ការប្រកួតអានអំណានឮ — Auditorium Rose Apple Square

📚✨ វគ្គផ្តាច់ព្រ័ត្រការប្រកួតអានអំណានឮ – លើកទី២ ✨📚

Alliance Française de Siem Reap មានសេចក្តីសោមនស្សរីករាយសូមអញ្ជើញលោកអ្នកចូលរួមទស្សនាវគ្គផ្តាច់ព្រ័ត្រនៃការប្រកួតអានអត្ថបទឮៗរវាងស្ថាប័នអប់រំ លើកទី ២ ដែលនឹងប្រព្រឹត្តទៅនៅថ្ងៃសៅរ៍ ទី២៧ ខែមិថុនា ឆ្នាំ២០២៦ ចាប់ពីម៉ោង ៥:៣០ ល្ងាចតទៅ នៅសាលសន្និសីទ Rose Apple Square។

កម្មវិធីនេះផ្តល់តម្លៃដល់ការអាន ការបញ្ចេញមតិផ្ទាល់មាត់ និងភាសាបារាំង តាមរយៈការសម្តែងរបស់សិស្ស និស្សិត មនុស្សពេញវ័យ និងគ្រូបង្រៀនជនជាតិខ្មែរ ដែលបានប្តេជ្ញាចិត្តក្នុងការសិក្សា និងការផ្សព្វផ្សាយភាសាបារាំង។ បេក្ខជនវគ្គផ្តាច់ព្រ័ត្រនឹងតំណាងឱ្យស្ថាប័នរបស់ពួកគេនៅចំពោះមុខគណៈកម្មការ និងទស្សនិកជន ក្នុងបរិយាកាសនៃការចែករំលែកវប្បធម៌ និងភាពស្និទ្ធស្នាល។

🏫 ស្ថាប័នដែលចូលរួម៖
• École d’Hôtellerie et de Tourisme Paul Dubrule
• École Wat Rajabo
• Global Child School
• Lycée Français International Norodom Monineath Sihanouk
• Lycée de Puok
• Collège Aranh Raingsey
• Alliance Française de Siem Reap

ការប្រកួតលើកនេះមានអត្ថន័យពិសេស ខណៈដែលប្រទេសកម្ពុជានឹងធ្វើជាម្ចាស់ផ្ទះនៃ XXe Sommet de la Francophonie នៅឆ្នាំ២០២៦ ដែលបង្ហាញពីភាពរស់រវើក និងសារៈសំខាន់នៃភាសាបារាំង និងសហគមន៍ហ្វ្រង់កូហ្វូនីនៅក្នុងព្រះរាជាណាចក្រកម្ពុជា។

🎤 កម្មវិធីនេះនឹងត្រូវដឹកនាំជាពីរភាសា គឺភាសាបារាំង និងភាសាខ្មែរ ដើម្បីឱ្យទស្សនិកជនគ្រប់រូបអាចរីករាយជាមួយព្រឹត្តិការណ៍នេះបានយ៉ាងពេញលេញ។ មិនចាំបាច់មានចំណេះដឹងភាសាបារាំងក៏អាចចូលរួមទស្សនាបានដែរ។

🥂 បន្ទាប់ពីវគ្គផ្តាច់ព្រ័ត្រ នឹងមានការទទួលទានអាហារសម្រន់ (cocktail) ដោយមានការគាំទ្រពី École Sala Baï។

🎟️ ចូលរួមដោយសេរី និងឥតគិតថ្លៃ – បើកទូលាយសម្រាប់ទាំងអស់គ្នា!

🙏 សមាគមបារាំងសៀមរាប សូមថ្លែងអំណរគុណយ៉ាងជ្រាលជ្រៅដល់ដៃគូទាំងអស់របស់ខ្លួន៖
ស្ថានទូតបារាំងប្រចាំប្រទេសកម្ពុជា (Ambassade de France au Cambodge), Siem Reap House, École Sala Baï, Artisans Angkor,Wake Park Cambodia, Angkor Kids Center និង Legend Cinema ដែលបានផ្តល់ការគាំទ្រយ៉ាងមានតម្លៃ។

💬 គម្រោងនេះត្រូវបានសម្របសម្រួលដោយ Laëtitia អ្នកស្ម័គ្រចិត្តអន្តរជាតិ (VSI) ក្រោមកម្មវិធី Volontaires Unis pour la Francophonie ដែលអនុវត្តដោយ France Volontaires Cambodge សហការជាមួយ Organisation internationale de la Francophonie និងទទួលបានការគាំទ្រពី France Diplomatie។

យើងខ្ញុំរង់ចាំស្វាគមន៍លោកអ្នកយ៉ាងច្រើនកុះករ ដើម្បីមកលើកទឹកចិត្តដល់បេក្ខជនវគ្គផ្តាច់ព្រ័ត្រ និងអបអរសាទរជាមួយគ្នាចំពោះការអាន ការចែករំលែកភាសា និងស្មារតីហ្វ្រង់កូហ្វូនី! 🇫🇷🇰🇭